Нұр-Сұлтан, BAQ.KZ. 7 қаңтарда Алматыдағы тәртіпсіздік барысында 4 жасар қыз қаза тапты. Бұл туралы балалар омбудсмені Аружан Саин хабарлады.
4 жасар қызды атып тастаған. Тағы бір жасөспірім қыз жаралы. Олар Сейфуллина мен Сәтпаев көшесінің қиылысында көлікпен өтіп бара жатқан. Көлік салонында 4 бала мен бір ересек адам болған. Көлікке оқ жаудырған. Бұл 7 қаңтарда болған оқиға, - деді Аружан Саин.
Саинның айтуынша, әкімдік пен мәйітханадан ақпарат алып отыр. Бұған дейін Аружан Саин Алматыда 11 жасар бала қаза болғанын айтқан.
