Қызылшаға қарсы 160 мың адам екпе алды, деп хабарлайды Алматыдағы BAQ.KZ тілшісі.
Бұл туралы Алматы қаласының санитариялық-эпидемиологиялық бақылау департаментінің басшысы Қасымхан Алпысбайұлы мәлімдеді.
Қызылшаның 2990 расталған жағдайы тіркелді, оның ішінде 14 жасқа дейінгі балалар арасында 1816 жағдай (60,7%), 15 жастан 18 жасқа дейінгі жасөспірімдер арасында – 133 адам. Қызылша, қызамық, паротитке қарсы қосымша жаппай иммундау шеңберінде барлығы 161 554 адам қамтылды, оның ішінде 6 айдан бастап 10 ай 29 күнге дейінгі 12 984 бала, 2 жастан 4 жасқа дейінгі балалар – 79 661, – дейді Қасымхан Алпысбайұлы.
