10 шілдеде жауын-шашынның мол түсуіне байланысты әл-Фараби даңғылындағы "Есентай-Молл" СОО маңында жаңбыр суы жиналып қалған, деп хабарлайды BAQ.KZ.
Алматы әкімдігі бұл жерге Бостандық ауданы әкімдігінің мердігер ұйымы және "Алматы су" коммуналдық қызметінің техникасы, Алматы ТЖД сорғы станциясы жіберілгенін хабарлады. Сағат 21:30-дағы жағдай бойынша суды сору аяқталып қалды.
Сонымен қатар Жәңгір хан көшесі бойындағы Ерменсай шағын ауданында Алматы қаласы әкімдігінің құтқару қызметінің арнайы техникасы алдын ала жіберіліп, стационарлық сорғылар дайындыққа келтірілді. Жауын-шашын салдарынан судың локальді жиналуы орын алды. Бұл жерде Алматы қаласы әкімдігінің құтқару қызметінің, Бостандық ауданының мердігер ұйымы "Стам Сервис" ЖШС күштері жұмыс істейді, олар "Илосос" арнайы техникасының, сондай-ақ екі стационарлық сорғының көмегімен су соруды жүргізеді, - делінген хабарламада.
10 шілдеде сағат 18:00-ден бастап Алматы қаласында жаңбыр жауа бастады, деңгейі 7 мм-ге дейін.
Жаңбыр жауа бастағаннан бері су тасқынының алдын алу және жою және судың кедергісіз өтуін қамтамасыз ету үшін мотопомпалармен, багрлермен және басқа да шанц құралдарымен жабдықталған 42 жедел мобильді бригаданың кезекшілігі ұйымдастырылды. 1,6 мың қап құм дайындалды.
Түнгі кезеңде 316 бірлік техника, 28 мотопомпалар және 323 жол жұмысшылары жұмылдырылды.
Аудан әкімдіктерінде жұмыс өндірісін бақылау бойынша тәулік бойы кезекшілік ұйымдастырылды.
