Нұр-Сұлтан, BAQ.KZ. Алматы қаласының тұрғындарына «Қазгидромет» дауылды алдын ала ескерту жасады.
Бұл туралы мегаполистің Төтенше жағдайлар департаментінің баспасөз қызметі хабарлады.
Құрметті қала тұрғындары, көліктеріңізді ағаштардың астында қалдырмауларыңызды сұраймыз, - делінген хабарламада.
Қалада синоптиктер қатты нөсер жауып, найзағай ойнап, бұршақ жауып, нөсерлі дауыл соғады деп болжады.
29-30 мамыр күндері Алматы тауларында солтүстік-батыстан жел тұрып, найзағай кезінде ол 17-22 м/с, жел екпіні күшейсе, 24-29 м/с дейін жетеді деп күтіліп отыр. Ведомство қалалықтар мен қонақтарға тауға баруды кейінге қалдыруды ескертеді.
