Алматыда көлік аялдамаға соғылып, жеті адам жарақат алды

Алматыда Mercedes көлігі аялдамаға соғылып, салдарынан жеті адам жарақат алды, деп хабарлайды BAQ.KZ.

Жол апаты туралы ақпарат әлеуметтік желіде тараған. Полиция мәліметінше апат 28 тамызда 12:20 шамасында болған. 

1987 жылы туған көлік жүргізушісі Абылай хан даңғылы бойымен келе жатып, Райымбек даңғылына бұрылғанда тізгінге ие бола алмай қалған. Салдарынан аялдамаға соғылыпты.

Жол апаты салдарынан 7 адам жарақат алды. Олар қаладағы медицина мекемесіне жеткізілді. Жол-көлік оқиғасы Алмалы аудандық полиция басқармасында тіркелді, – делінген хабарламада.