Нысан Ерменсай шағын ауданындағы үш жер телімінде тиісті рұқсат құжатсыз салынған, деп хабарлайды Алматыдағы BAQ.KZ тілшісі.
Бұл туралы Алматы қаласының қала құрылысын бақылау басқармасы мәлімдеді.
2023 жылы 20 қаңтарда басқарма тапсырыс берушіге (жеке тұлғаға) қатысты бұзушылықтарды жоюға нұсқама бере отырып, әкімшілік шаралар қабылдады, ал кейінірек Бостандық аудандық сотына бұзуға талап арыз берді. Былтыр 24 шілдеде аудандық соттың шешімімен басқарманың заңсыз құрылысты бұзу туралы талап арызы қанағаттандырылды. 2023 жылдың 19 қазанында апелляциялық сот бірінші сатылы соттың шешімін өзгеріссіз қалдырды. Нысан осы жылдың 29 шілдесінде Әділет департаментінің сот орындаушыларының қатысуымен бұзыла басталды, - деді Алматы қаласының қала құрылысын бақылау басқармасы.
Еске сала кетейік, Алматы әкімі Ерболат Досаевтың заңсыз құрылысқа бақылауды күшейту жөніндегі тапсырмасы аясында былтыр жыл басынан бері 40 заңсыз нысан, оның ішінде «Мечта», «KHAN», «Алма Гарден» ТҮК және т.б. толық немесе жартылай бұзылды.
