Алматы, BAQ.KZ. Алматы қаласының тауларында 22 қазанда кей уақытта қатты жауын-шашын (жаңбыр, қар), көктайғақ, тұман болады. 22-23 қазанда Солтүстік-батыстан жел екпіні секундына 15-20 құрайды.
Бұл туралы Алматы қаласы ТЖД баспасөз қызметі хабарлады.
Ауа райының күрт бұзылуына байланысты ТЖД тұрғындарға ескерту жасады.
- Қатты жауын-шашын (қар, жаңбыр) немесе қатты жел туралы дауыл туралы ескерту жарияланған жағдайда, тіпті таулы аймаққа баруды кейінге қалдырған дұрыс.
- Егер сіз кішігірім топырақ көшкіндерді байқасаңыз, онда тауға бармағаныңыз жөн. Қарқынды жауын-шашын түскен жағдайда төмен таулы аймақта топырақ көшкін болуы мүмкін.
- Егер сіз тауда болсаңыз, мұқият болыңыз және ауа райының өзгеруін қадағалаңыз.
- Егер сіз тау бөктерінде қардың жылжуын, қардың түйіршіктерін байқасаңыз, онда тауларға бармағаныңыз жөн-бұл қардың тұрақсыз күйде екенін, көшкіннің қауіпі мүмкін екенін білдіреді.
- Үйге қайтуды тәуліктің кеш уақытына кешіктірмеңіз, кері бағытты таба алмауыңыз мүмкін.
- Рюкзактарда мыналар болуы тиіс: жылы киімдер,күтпеген жағдайда дәрігерге дейінгі көмек көрсетуге арналған дәрі қобдишасы, GPS навигаторларының болуы артық болмайды.
- Ешбір жағдайда тауға жалғыз бармаңыз!
- Туған-туыстарыңыз бен жақындарыңызды маршрутыңыздың бағыты және орналасқан жеріңізді барынша толық хабардар ету өте маңызды.
Автокөлік жүргізушілер, сақтық шараларын сақтаңыз! Егер жол бойында қатты жауын-шашын жауып кетсе, оң жақ шеткі қатарға (жол жиегіне) тұрыңыз. Төтенше шамдарды қосыңыз және қарды күтіңіз. Көктайғақ жағдайында трассада қауіпсіз жылдамдық режимін сақтаңыз, сондай-ақ жолда маневр жасаған кезде өте сақ болыңыз!, - делінген хабарламада.
