Алматыда балаларды тонаған ұры ұсталды

24 Наурыз 2022, 18:40
1383
Бөлісу:
Алматыда балаларды тонаған ұры ұсталды

Алматы, BAQ.KZ. Алматы Полиция департаменті балалардың телефонын ұрлаған Алматы облысының тумасын ұстағандарын мәлімдеді.

Ол көбінесе әйелдер мен мектеп оқушыларының қалтасын қаққан.

Қоғамдық көліктегі ұрлықтың алдын алу бойынша іс-шара барысында біздің бөлімше қызметкерлері қалалық криминалдық полициядағы әріптестерінің көмегімен қоғамдық көлік бағыттарының бірінде 33 жастағы Д.есімді азаматты ұстады. Қаскөй баланың қалтасынан смартфонды ұрлап кеткен. Мобильді құрылғы тәркіленіп, оқушының ата-анасына қайтарылды. Қазіргі уақытта сотқа дейінгі тергеу амалдары жүргізілуде. Күдікті қамауға алынды, – деп хабарлады Медеу аудандық ПБ жанындағы полиция бөлімінің бастығы Еділхан Байғараев.

Қазір күдіктінің осыған ұқсас басқа да қылмыстарды жасауға қатысы бар-жоғы анықталуда. Осы дерек бойынша ҚР ҚК-нің 188-бабына (Ұрлық) сәйкес қылмыстық іс сотқа дейінгі тергеудің бірыңғай тізіліміне тіркелген.
 

Өзгелердің жаңалығы