Бүгін кешке "Алматы –Ташкент" республикалық маңызы бар трассада ТЖМ құтқарушылары 8 адамды құтқарды. Оның ішінде үш бала бар, деп хабарлайды BAQ.KZ.
Құтқарушылардың айтуынша, олар автожолдың жабық учаскесінде қалып қойған. Құтқарылғандар Шақпақ ата және Б.Момышұлы ауылдарының жылыту пунктіне жеткізілді. Оларға медициналық көмек қажет болмаған.
Осы ретте құтқарушылар жолаушылар мен жүргізушілерге жолға шығарда ауа райы мен жолдағы ахуал туралы ақпаратпен танысып алу қажеттігін ескертеді.
