Нұр-Сұлтан, BAQ.KZ. Бүгін сағат 06:00 шамасында Байзақ ауданының «Алматы-Ташкент» тас жолының 476 шақырымында Audi-А4 және Toyota Camry маркалы екі көлік соқтығысты.
Жантүршігерлік жол-көлік оқиғасы салдарынан 6 адам оқиға орнында көз жұмды. Toyota Camry автокөлігінің екі жолаушысы түрлі жарақаттарымен емдеу мекемелеріне жеткізілді.
Аталған дерек бойынша ҚР ҚК 345-бабы 4-бөлімі бойынша сотқа дейінгі тергеп-тексеру өндірісі басталды.
Жол-көлік оқиғасы себебі анықталуда, тиісті сараптамалар тағайындалды.
Жол ережесін сақтамау қайғылы жағдайға алып келеді, - деп ескертті Жамбыл облысының Полиция департаменті.
