Пәкістандық әйгілі альпинист, жоғары биіктіктегі құтқару операцияларына қатысу арқылы танылған Мурад Садпара елдегі ең биік таудың бірінен түсіп келе жатқанда қаза тапты, деп хабарлайды BAQ.KZ.
Пәкістанның Альпі клубы таратқан ақпаратқа сәйкес, 35 жастағы Мурад Садпара Каракорум үстіртінде 8047 метр биіктіктегі Броуд-Пик шыңында үстіне тас түсіп, алған жарақаты салдарынан көз жұмды.
Белгілі болғандай, Садпара өткен аптада тауға шығу үшін португалиялық альпиниспен бірге экспедициясын бастаған. Алайда спортшылар Садпараның қасындағы серігі салқын ауа райынан ауырып қалғандықтан кері түсуге мәжбүр болған.
Команда базалық лагерьге оралу кезінде Садпараның үстіне тас құлаған.
Альпинисті эвакуациялау үшін құтқарушылар тобы жіберілгенімен, медициналық көмек оған жеткенге дейін спортшының жан тапсырғаны анықталды. Осылайша, құтқарушылар оның денесін таудан түсірген.
