Алматы, BAQ.KZ. Алматыда қызметтік ит жоғалған жасөспірімнің ізіне түсіп, оны табуға көмектесті. Бұл туралы қалалық ПД-нің баспасөз қызметі хабарлады.
14 жастағы А есімді азаматтың жоғалуы туралы хабарлама полицияға 30 сәуірде келіп түскен.
Ата-анасының айтуынша, жасөспірім бір күн бұрын жанжал кезінде үйінен шығып кетіп, қайта оралмаған.
Толыққанды отбасы. Белгілі болғандай, анасы ұлына ескерту жасаған, ол оған ренжіп, үйден қашып кеткен. Ата-анасы баласын өз бетімен табуға тырысқан. Бірақ нәтижесіз болған. Келесі күні олар полициядан көмек сұрады. Мұндай жағдайларда әр минут алтынға тең. Іздеуді біздің бөлімнің ювеналды полициясының қызметкерлері, учаскелік инспекторлар, еріктілер және Полиция департаментінің тергеу-жедел тобы ұйымдастырды, – дейді Жетісу аудандық Полиция басқармасының бастығы Дархан Мұсанов.
ПД ТЖТ құрамында «Есма» атты іздеу иті бар. Ол баланың ізін басып, алыс қашықтыққа қарамастан оны тапты.
Ит үйден аялдамаға дейін алып барды. Куәгерлермен сұхбаттасу арқылы баланың автобусқа отырғаны анықталды. Оны соңғы рет Қалқаман шағын ауданындағы көлік сайманы базарында көрген. Осы кезде Есма қайтадан ізге түсіп, із-түзсіз жоғалған баланың жолымен жүрді. Ит балалар ойын алаңына алып барды, – дейді Алматы қалалық ПД кинологиялық қызмет Орталығының кинолог-инспекторы Медет Жұмағали.
