Алматы облысында жол апаты болып, үш адам көз жұмып, екі адам жарақат алды, деп хабарлайды BAQ.KZ.
Бұл туралы ҚазАвтоЖол компаниясы мәлім етті.
23 наурызда сағат 14:45 шамасында Алматы облысы аумағындағы "Екатеринбург-Алматы" тас жолының 2460 шақырымында жол-көлік оқиғасы орын алды. Алдын ала мәліметке сәйкес, "Daewoo" көлігінің жүргізушісі көлікке ие бола алмай, қарсы жолаққа шығып кетіп, "DAF" жүк көлігімен соқтығысқан. Осы оқиға салдарынан 3 адам қаза тауып, 2 адам жарақат алды, – делінген республикалық маңызы бар жолдардың ұлттық операторы таратқан хабарламада.
Белгілі болғандай, оқиға орнында тиісті жол белгілері орнатылды.
