Алматы облысында коронавирустан 14 адам жазылды

Нұр-Сұлтан, BAQ.KZ. Алматы облысында COVID-19 инфекциясынан 14 адам жазылып шықты. 

Олардың 2-еуі – Кербұлақ, 1-еуі - Іле, 1-еуі – Талғар, 10-ы – Еңбекшіқазақ аудандарының тұрғындары, деп хабарлады Алматы облысы әкімінің баспасөз қызметі.

Жазылып шыққандардың үлкені - 72 жаста, кішісі - 7 жаста. Олардың қазіргі жағдайы жақсы, - делінген хабарламада.

Сонымен Алматы облысында коронавирус індетінен айыққандар саны 63-ке жетті.