Нұр-Сұлтан, BAQ.KZ. «AMANAT» партиясы фракциясының мүшелері, «Қазақстан халықтар ассамблеясы» депутаттық тобының мүшесі және Қазақстан халық партиясы фракциясының мүшесі Қазақстанның Премьер-министрі Ералы Тоғжановқа ӘМСҚ бөлген қаржы ресурстарының жеткіліксіздігіне байланысты депутаттық сауал жолдады.
Оған себеп – 2022 жылға арналған медициналық көмек көрсетуге бөлінген қаржы ресурстарының жеткіліксіз көлеміне байланысты медициналық ұйымдарды жеткіліксіз қаржыландыруға қатысты күрделі жағдай.
Медициналық қызметкерлер екі оттың арасына түскендей болып отыр, бір жағынан сақтандырылған азаматтар заңды түрде көмек көрсетуді талап етеді, ал екінші жағынан ӘМСҚ қаржыландыру жоспарынан аспауды талап етеді. Сонымен қатар, ӘМСҚ белгіленген жоспардан тыс түскен ақшаны артығымен орындау ретінде алып, ұйымдардың онсыз да жеткіліксіз бюджетін орындалмаған сомаға қысқартады.Сондай-ақ, КТ, МРТ, УДЗ, зертханалық талдаулар, бейінді мамандардың консультациялары және т.б. сияқты маңызды тексерулер кіретін барлық ДЕАК ішінен тек стоматологиялық қызметтер ғана БМСК дәрігерінің жолдамасынсыз, өз бетінше жүгінуі бойынша жүргізіледі, бұл отбасылық дәрігер қағидатын бұзады, – дейді сауал жолдаушылар.
Сонымен қатар, 2022 жылғы 1 қаңтардан бастап дәрігерлердің еңбекақысының орта есеппен 30% - ға өсуіне байланысты базалық тариф тек 9,8%-ға, КТС 12%-ға ұлғайғанын, бұл дәрілік заттарды сатып алу жөніндегі кәсіпорындардың, МӨ, коммуналдық қызметтердің шығыстарын және жалақыға арналған шығыстарын да толық өтемейтінін және бұл мәселелердің елдің барлық өңірлерінде бар екенін алға тартады.
2021 жылғы мемлекеттік аудит нәтижелері бойынша Денсаулық сақтау министрлігі - 7,4 млрд теңгені және МӘМС қоры - 2,3 млрд теңгені игермеген. Сонымен қатар, қор көбіне негізсіз айыппұл санкцияларын қолданады. Бірақ қор қызметкерлеріне бонустар мен сыйақылар шкаласы кеңінен қолданылады. Осы мәселені ойланған жөн, – делінген депутаттық сауалда.
Медициналық қызметтер тарифтерін көтеруге қаражаттың толық бөлінбеуі және осының салдарынан қаржыландырудың жеткіліксіздігі кредиторлық берешектің пайда болуына, халыққа медициналық қызмет көрсетудің қолжетімділігінің төмендеуіне, шағымдардың туындауына және жалпы әлеуметтік шиеленістің өсуіне алып келетіні айтылған депутаттық сауалда мынадай талаптар қойылған:
ҚР Денсаулық сақтау министрлігі:
1. Тарифтер нақты шығыстарға сәйкес келтірсін және жаңа қаржы жылы басталғанға дейін тарифтерді бекітсін.
ММСҚ:
2. Тоқсан аралығында медициналық ұйым ішінде қаражатты қайта бөлу тетігіне рұқсат етілсін.
3. МӘМС жүйесінде айлық жоспарға байланыстыру болмауы тиіс, төлем халықтың қажеттілігіне сәйкес медициналық қызметтердің нақты орындалған көлемі бойынша жүргізілуі тиіс.
4. Балалар мен жүкті әйелдерге жоспарлы стоматологиялық қызметтер қатаң түрде БМСК дәрігерлерінің жолдамасы бойынша жүргізілсін және ары қарай қызметтерді жеткізушілермен тікелей шарт жасалсын.
5. ӘМСҚ пен медициналық қызметтер сапасы комитетінің орындау және айыппұл салу сапасын бақылау жөніндегі өкілеттіктерін нақты бөлу қажет. ӘМСҚ қаржыны өзі бөліп, сапасын өзі тексере алмайды және айыппұл санкцияларын сала алмайды.
