АИТВ-ға шалдыққан Шахтинск тұрғыны әйеліне қасақана ауру жұқтырған

12 Маусым 2024, 16:01
894
Бөлісу:
АИТВ-ға шалдыққан Шахтинск тұрғыны әйеліне қасақана ауру жұқтырған
Фото: pixabay.com

Өкінішке қарай әйел ауыр дерттен көз жұмды, деп хабарлайды BAQ.KZ.

Шахтинск қалалық сотында адамның иммун тапшылығы вирусын (АИТВ) жұқтырғаны (ҚК 118-бабы 2-бөлігі) бойынша айыпталған азаматқа қатысты қылмыстық іс қаралды.

Сот 2015 жылы ер адамға АИТВ диагнозы қойылғанын анықтады. Емдеуден жалтарып, басқаларға жұқтырғаны үшін қылмыстық жауапкершілікке тартылатыны, сондай-ақ сақтық шараларын сақтау қажеттігі туралы оған ескертілген. 

Ол 2016-2023 жылдар аралығында ауруын ескертпестен бір әйелмен бірге тұрған. Салдарынан ол жәбірленушіге АИТВ инфекциясын жұқтырған, соның салдарынан әйел адам қайтыс болған. Сотталушының кінәсі сот-медициналық сараптамасының қорытындысымен расталды. Жәбірленушінің өліміне АИТВ-инфекциясы себеп болған. Сотталушы өз кінәсін мойындамады. Соттың шешімі Қылмыстық кодекстің 118-бабының 2-бөлігінің санкциясында 5 жылға дейін бас бостандығынан айыру жазасы қарастырылған. Іс бойынша қылмыстық жауаптылықты немесе жазаны жеңілдететін мән-жайлар анықталған жоқ. Ауырлатылған мән-жайлар – қылмыс ауыр зардаптарға әкеп соқтырған – жәбірленушінің өлімі деп танылады. Сот сотталушыны Қылмыстық кодекстің 118-бабы 2-бөлігімен кінәлі деп танып, 4 жылға бас бостандығынан айырды. Оған медициналық сипаттағы мәжбүрлеу шаралары – мәжбүрлеп емдеу тағайындалды. Соттың үкімі заңды күшіне енген жоқ, - делінген хабарламада.

Өзгелердің жаңалығы