Бүгін Қатарда өтіп жатқан футболдан әлем чемпионатының екінші ойын күнінде үш кездесу өтеді, деп хабарлайды BAQ.KZ тілшісі.
Бірінші ойын В тобында Англия мен Иран арасында болады. Кездесу Астана уақытымен 19:00-де басталады.
Аталған топтағы тағы бір кездесу АҚШ пен Уэльс арасында елорда уақытымен 01:00-де басталады.
А тобында Сенегал - Нидерланды кездесуі Астана уақытымен 22:00- де басталады.
Бүгін өтетін үш матчта «Qazsport» телеарнасынан тікелей эфирде көрсетілмек.
Еске салсақ, футболдан әлем чемпионатының алғашқы ойынында Қатар құрамасы Эквадордан ұтылып қалды.
