Абай және Гонконг университеттері өзара тәжірибе алмасты

Абай университетінің ректоры Болат Тілеп Гонконг Қытай университетінің (CUHK) өкілдерімен кездесті, деп хабарлайды BAQ.KZ.

Тараптар Abai University мен CUHK арасындағы тығыз ынтымақтастықты бастау туралы келісімге келді. Алдағы уақытта осы келісім аясында студенттер, магистранттар, докторанттар үшін бірлескен жазғы мектептер ұйымдастыру жоспарланып отыр.

Басқосуда ҚазҰПУ ректоры - білім беру факультетінің деканы, профессор Fan Xitao және білім беру басқармасы кафедрасының меңгерушісі, сондай-ақ CUHK университеттері мен мектептері серіктестік орталығының директоры, профессор Cheung Chi-keung Ala-мен келіссөздер жүргізді.

Сондай-ақ Болат Тілеп Гонконг Білім беру университетінің (EdUHK) 30 жылдығына арналған мерейтойлық іc-шараға қатысты.
Сапар барысында Гонконг-Қазақстан Білім Академиясының құрылуын ресми түрде бекіте түсетін ынтымақтастық туралы келісім құжаттарына қол қою рәсімі өтті.

Айта кетейік, Гонконг Білім беру университеті (EdUHK) мен Абай атындағы ҚазҰПУ және Қазақ ұлттық қыздар педагогикалық университетінің өкілдері бірігіп, ғылым мен білім саласындағы озық зерттеулер мен тәжірибе алмасуды ілгерлететін Білім академиясын құрған болатын.