Нұр-Сұлтан, BAQ.KZ. "Қазгидромет" РМК мамандары 9 қаңтар күні Қазақстанда ауа райы қандай болатынын хабарлады.
Атмосфералық фронттардың өтуіне байланысты Қазақстан территориясының басым бөлігінде тұрақсыз ауа райы сақталады. Еліміздің оңтүстік-батысында кей жерде жауын-шашын жауады, ал қалған аймақтарда қар жауады. Тек оңтүстікте жауын-шашын жоқ, күн ашық. Кей жерде тұман сақталады, оңтүстікте және батыста - көктайғақ, Жамбыл облысында жаяу бұрқасын көтеріледі.Солтүстік Қазақстан облысының басым бөлігінде, Ақмола, Алматы, Түркістан, Батыс Қазақстан, Ақтөбе, Қостанай, Павлодар, Қарағанды, Шығыс Қазақстан облыстарының кей жерінде тұман түседі.
Жамбыл облысының кей жерінде тұман түсіп, көктайғақ, жаяу бұрқасын болады.
Қызылорда, түнде Маңғыстау, Атырау облыстарында тұман түсіп, көктайғақ күтіледі.
