Нұр-Сұлтан, BAQ.KZ. "Қазгидромет" РМК синоптиктерінің болжамына қарағанда, бүгін атмосфералық фронттардың өтуіне байланысты, республиканың батысы мен оңтүстігінде жаңбыр жауады.
Республиканың қалған аумағында жауын-шашын болмайды. Кей жерінде тұман, желдің күшеюі сақталады, оңтүстікте найзағай болып, бұршақ жаууы ықтимал.
Маңғыстау, Батыс Қазақстан, Қостанай, Павлодар, Қарағанды, түнде Алматы, Атырау, Солтүстік Қазақстан облыстарының кей жерінде тұман түседі.
Жамбыл облысының кей жерінде тұман, желдің 15-23 м/с күшеюі күтіледі.
Шығыс Қазақстан облысының кей жерінде түнде тұман, күндіз желдің жылдамдығы 15-20 м/с күшеюі күтіледі.
Қызылорда облысының кей жерінде жел 15-23 м/с күшейіп, шаңды дауыл күтіледі.
Күндіз Ақтөбе облысының кей жерінде желдің 16 м/с күшеюі күтіледі.
Түркістан облысының кей жерінде жел 15-20 м/с күшейіп, күндіз найзағай, бұршақ жаууы ықтимал.
