АҚШ-тың сауда саясатына байланысты 15-тен астам мемлекет Америка Құрама Штаттарына жаңа сауда шарттарын жасау туралы ұсыныстар жолдады. Бұл туралы Ақ үйдің баспасөз хатшысы Карин Ливитт мәлімдеді, деп хабарлайды BAQ.KZ ТАСС-қа сілтеме жасап.
Бұл – үлкен жетістік. Әлі бірнеше күн ғана өтті, бірақ ұсыныстар саны артты. Бұл біз үшін жақсы прогресс, – деді Ливитт.
Мемлекеттердің мұндай белсенділігі АҚШ-тың бұрынғы президенті Дональд Трамптың 2 сәуірде жариялаған импорттық баж салығының жаңа жүйесімен тікелей байланысты. Жаңа ережеге сәйкес, барлық импортқа 10 пайыздық базалық мөлшерлеме енгізілген. Алайда кейбір елдер үшін бұл көрсеткіш әлдеқайда жоғары – Қытайға 34%, Вьетнамға 46%, ал Еуроодаққа 20% көлемінде белгіленді.
Қытай билігі бұл қадамға жауап ретінде АҚШ тауарларына 34% баж салығын енгізді. Сауда қақтығысының салдарынан АҚШ қор нарығы айтарлықтай құлдырап, Bloomberg мәліметтеріне сай, әлемдегі ең бай адамдар 208 миллиард доллар жоғалтқан.
Кейіннен, 9 сәуірде Трамп әкімшілігі 75-тен астам елге қатысты енгізілген баж салығын 90 күнге тоқтата тұру туралы шешім қабылдады.
1
0
0
0
0
