АҚШ президенті Дональд Трамп Қытайдан келетін тауарларға баж салығын 145 пайызға дейін көтерді, деп хабарлайды BAQ.KZ.
Бұл туралы 10 сәуірде Ақ үйге сілтеме жасап CNBC мәлімдеді.
АҚШ-тың Қытай импортына баж салығы қазір 145% құрайды, – деп растады Ақ үйдің ресми өкілі.
Өз кезегінде АҚШ вице-президенті Дж.Д.Вэнс Трамп бейбітшілікті қалайтынын, сонымен бірге әділ сауда мен «Америка экономикасы үшін өзін-өзі қамтамасыз етуді» қалайтынын айтты.
Күні бұрын Қытай Сыртқы істер министрлігінің ресми өкілі Лин Цзянь тарифтік сауда соғысында жеңімпаздар жоқ деп мәлімдеді. Ол сондай-ақ АҚШ тарифтік соғыс пен сауда соғысын бастауды талап етсе, Қытай соңына дейін баратынын атап өтті.
9 сәуірде АҚШ президенті Дональд Трамп АҚШ-тың Қытайға салынатын сауда тарифтерін дереу 125%-ға дейін көтеретінін мәлімдеді. Сол күні Қытай билігі өз кезегінде қайтарым ретінде АҚШ-тан әкелінетін тауарларға баж салығын 84 пайызға дейін көтеру туралы шешім қабылдады.
0
0
0
0
0
