Нұр-Сұлтан, BAQ.KZ. "Қазгидромет" РМК синоптиктерінің болжамына қарағанда атмосфералық фронттардың өтуіне байланысты оңтүстік және шығыстың кей жерінде жаңбыр жауады.
Қалған аумағында ауа райы жауын-шашынсыз болады. Кей жерінде тұман, жел күшейеді, найзағай болып, бұршақ жаууы мүмкін.
Күндіз Түркістан, Қызылорда облыстарының кей жерінде жел 15-20 м/с күшейеді, бұршақ жаууы ықтимал.
Жамбыл облысының кей жерінде бұршақ жаууы мүмкін.
Шығыс Қазақстан, Қарағанды облыстарының кей жерінде жел 15-20 м/с күшейеді, түнде Шығыс Қазақстан облысында кей жерде тұман түседі.
Алматы, Маңғыстау, Атырау, Батыс Қазақстан, түнде және таңертең Солтүстік Қазақстан, Павлодар облыстарының кей жерінде тұман түсуі ықтимал.
