Нұр-Сұлтан, BAQ.KZ тілшісі. Сенатта өткен парламенттің тыңдауда Премьер-министрдің орынбасары Ералы Тоғжанов елімізде 1-сыныптан бастап «Еңбекке баулу» пәні қайта енгізілетінін мәлімдеді.
Еңбекке баулудың ұрпақ тәрбиесіндегі маңызы зор екені белгілі. Сол себепті жаңа оқу жылында 1-сыныптан бастап «Еңбекке баулу» пәні қайта енгізіледі, - деді Тоғжанов.
Айтуынша, жоба ретінде мектептер жанында жылыжайлар ашу қолға алынады. Бүгіннің өзінде 7%-ға жуық мектепте бұл тәжірибе бар.
Сонымен қатар алғаш рет биылдан бастап мектептерде 7-сыныптан бастап болашақ мамандықты таңдауға бағыттайтын «педагог - кәсіптік бағдар беруші» маманы енгізіледі, - деп түсіндірді Премьер-министрдің орынбасары Сенатта өткен отырыста.
Бұған дейін Парламент Сенаты төрағасы Мәулен Әшімбаев ауылдық және қалалық мектептерде білім сапасында алшақтық барын айтқан болатын.
Сонымен қатар парламенттік тыңдауда еліміздегі жастардың тұрғын үй мәселесі де талқыланды.
Премьер-министрдің орынбасары Ералы Тоғжанов елімізде «оқушы - мектеп - ата-ана» жұмыс форматы енгізілетінін хабарлады. Ол мектеп пен ата-ананың тәрбие процесіндегі өзара жауапкершілігі мектеп пен ата-ананың тәрбие процесіндегі өзара жауапкершілігіне негізделген.
