Нұр-Сұлтан, BAQ.KZ. Түркістан облысының Төлеби ауданы Ақбастау селосындағы құс фабрикасынан өрт шықты, деп хабарлайды ТЖК баспасөз қызметі.
25 қаңтар күні сағат 07:00 өрт сөндіру қызметіне Ақбастау селосындағы "ШымкентҚұс" ЖШС" фабрикасынан өрт шыққаны туралы ақпарат келіп түсті. Жалын сағат 08:05-де сөндірілді. Өрт салдарынан 190 шаршы метр аумақ өртеніп, 3 мың балапан қырылып қалған, - делінген хабарламада.
