Астанада елорданың 25 жылдығына орай медициналық туризм бойынша қазақстандық және халықаралық сарапшылар ДСМ жетекші ұлттық орталықтарына барды, деп хабарлайды BAQ.KZ.
ДСМ Денсаулық сақтау министрлігінің өкілдері мен курортология және медициналық оңалту ҒЗИ басшылығы осы іс-шараға қатысып, шетелдік қонақтарды еліміздің санаторийлік-курорттық әлеуетімен, медициналық оңалтудың жаңа тәсілдерімен және қазақстандық медицинаның жетістіктерімен таныстырды.
Алғашқы келу объектілерінің бірі ұлттық ғылыми онкология орталығы болды, онда онкология саласында ғылыми зерттеулер жүргізуді, онкологиялық аурулардың алдын алудың, диагностикалаудың және емдеудің дербестендірілген әдістерін әзірлеу мен енгізуді қоса алғанда, пациенттер халықаралық стандарттарға сәйкес онкологиялық көмек алады.
Елордалық қонақтардың келесі баратын орны ұлттық балаларды оңалту орталығы болды.
Орталықта жыл сайын 4200 бала оңалтудан өтеді. 15 жылдың ішінде 61 647 бала сауықтырылды. Оның ішінде 32 975 бала (56%) әлеуметтендірілді. Оңалту қызметтерінің кешенін көрсету интегративті оңалту моделін қолдана отырып жүзеге асырылады, мұнда орталықтың қызметі көп бейінді оңалтудың үш аспектісін қолдануға негізделген: медициналық оңалту, педагогикалық түзету, әлеуметтік бейімделу.
Содан кейін шетелдік қонақтар диагностикадан бастап ең заманауи емдеу әдістерін қолдана отырып пациенттерді оңалтуға дейінгі нейрохирургиялық қызметтердің толық спектрін көрсететін Орталық Азиядағы жетекші клиникалардың бірі- Ұлттық нейрохирургия орталығына барды.
Сонымен қатар, делегацияҰұлттық ғылыми медициналық орталықтың, Ұлттық кардиохирургиялық орталықтың және елорданың басқа да клиникаларының жұмысымен танысты.
