Нұр-Сұлтан, BAQ.KZ. Елордада жыл басынан бері «Сергек» аппараттық-бағдарламалық кешенінің камераларында 57 мыңға жуық жол қозғалысы ережесін бұзу фактісі тіркелді, деп хабарлады Нұр-Сұлтан қалалық ПД баспасөз қызметі.
Апаттылық талдауына сәйкес, 2022 жылдың басынан бастап Нұр-Сұлтан қаласында 162 ЖКО тіркелді, онда 3 адам қаза тауып, 175 адам жарақат алды. Ағымдағы жылдың 4 айында жол қауіпсіздігі желісі бойынша жүргізушілермен анықталған бұзушылықтардың жалпы саны 31 мыңнан асты.
Жол қауіпсіздігі деңгейін арттыруға және ЖКО алдын алуға бағытталған «Қауіпсіз жол», «Құқықтық тәртіп», «Автобус», «Назар аударыңыз, балалар», «Балалардың жолдағы қауіпсіздігі», «Жаяу жүргінші» және т. б. бірқатар жедел-профилактикалық іс-шаралар жүргізіледі. Қазіргі уақытта « Назар аударыңыз, балалар» профилактикалық іс-шаралары аяқталуда, оның аясында 25 сәуірден бастап балалардың жолдардағы қауіпсіз мінез-құлқы тақырыбына шамамен 3 мың дәріс пен викторина өткізілді.
ЖКО жасауға ықпал ететін құқық бұзушылықтардың алдын алу үшін «Сергек» АӨК камералары тіркеуді жүзеге асырады. Бүгінгі таңда елорда аумағында 6 мыңнан астам камера орнатылып, 56 мың 724 жол қозғалысы ережесін бұзу фактісі тіркелді.
Жол қозғалысы ережелерін жиі бұзушылыққа жол беру, жылдамдық режимін арттыру, белгіленбеген жерлерде тоқтау немесе тұру болып табылады. Жыл басынан бері 40 мыңнан астам жылдамдық режимін бұзу, 6 мыңға жуық көлік құралдарын белгіленбеген орындарда қою ережелерін бұзу фактілері тіркелді.
Сонымен қатар, Цифрландыру басқармасы 26 учаскеде орнатылған реттелетін жаяу жүргіншілер өткелінің тыйым салу сигналына өтуін Сергек камераларымен бұзушылықтарды тіркеу функциясын әзірледі.
Сондай-ақ «Астана тұрақ кеңістігі» компаниясымен бірлесіп елордада тұрақ ережелерін бұзу фактілерін, оның ішінде екінші қатарда және қоғамдық көлік аялдамаларында тіркеу бойынша пилоттық жоба іске асырылуда. Жұмыс Түркістан және Ақмешіт сияқты күрделі учаскелерден басталды. Бұзушылықтар автоматты режимде анықталады.
Елорданың жол инфрақұрылымын жетілдіру және жол қауіпсіздігін қамтамасыз ету мақсатында полиция қызметкерлері пилоттық жоба шеңберінде жаңалықтарды енгізе отырып, жол қозғалысын ұйымдастырудың қолданыстағы схемаларын өзгерту бойынша көше-жол желісін және іс-шараларды зерттеп-қарауды жүргізеді.
36 реттелетін жаяу жүргіншілер өткелінде қосымша жарықтандыру орнатылған. Жүргізушілердің назарын аудару және автокөліктердің жылдамдығын мәжбүрлеп төмендету үшін 23 учаскеде көтеріңкі жаяу жүргіншілер өткелі жабдықталған. Сонымен қатар, өткен жылдан бері реттелмейтін жаяу жүргіншілер өткелдерінің алдына 267 жасанды жол бұдырлары салынды. Аталған учаскелерде жол-көлік оқиғаларының саны екі есеге төмендегені байқалды.
Елордада барлық жаяу жүргіншілер өткелдері сары және ақ түсті жол белгілерімен белгіленген, 30-дан астам учаскеде шу мен діріл әсерін тудыратын қызыл шу жолақтары бар, сондай-ақ ашық түс жүргізушілердің назарын аударады.
Жол қиылысында диагональ бойынша өткізуді ұйымдастыру бойынша пилоттық жоба сәтті іске асырылуда. Бұған дейін мұндай өткел Сейфуллин – Уәлиханов көшелерінің қиылысында, биыл Кенесары – Мәмбетов көшелерінің қиылысында салынған болатын. Сондай – ақ, аталған схеманы тағы бірнеше көше қиылыста (Абай - Мәмбетов, Абылайхан-Манас) қолдану жоспарлануда. Елорданың көше-жол желісінде "Есіл" өзенінің оң және сол жағалауларын жалғайтын барлығы 5 автожол көпірі пайдаланылуда және қазіргі уақытта Ұлы Дала көшесінің (ағымдағы жылдың соңына дейін), сондай-ақ Нәжімеденов көшесіне шығатын «Нұрлы Жол» вокзалы бағытындағы автожол көпірінің құрылысы жобасы бойынша жұмыстар аяқталуда. Аталған учаскені пайдалануға берілуі параллельді магистральдарда көлік жүктемесін айтарлықтай төмендетуге мүмкіндік береді, бұл өз кезегінде жол қозғалысының ыңғайлы және қауіпсіз жағдайларын арттырады.
Пилоттық жоба шеңберінде бағдаршамдардың жұмыс режиміне ("тыныштандыру" режимі) өзгерістер енгізілді. Бұл режимде жол қозғалысының барлық қатысушылары, соның ішінде жаяу жүргіншілер үшін қызыл бағдаршам бір секундқа жанады, бұл қиылыстың ортасында қалғандарға маневрді қауіпсіз аяқтауға мүмкіндік береді. Алғаш рет Республика және Бөгенбай батыр даңғылдарының қиылысында 2021 жылғы 22 маусымда енгізілді. Өткен жылы 12 учаскеде «тыныштандыру» режимі, ағымдағы жылдың басынан бастап 10 учаскеде енгізілді, бұл жұмыс кезең-кезеңімен жалғасатын болады.
Жол қауіпсіздігін қамтамасыз ету және жолдардағы қауіпсіздік деңгейін арттыру Полиция департаментінің негізгі міндеттерінің бірі болып табылады. Полиция департаменті елорда әкімдігімен және аудандық әкімдіктермен бірлесіп апаттылықты төмендету бойынша барлық қабылданған шаралар жүйелі түрде болып табылады.
