Заманауи техникамен жабдықталған ғимаратта оқушылар үшін арнайы кабинеттер жасақталған, деп хабарлайды BAQKZ 24kz-ке сілтеме жасап.
Мұнда инновациялық жобалар әзірленіп, ақпараттық технология саласының мамандары даярланады.
Қазір тұрғындарға инвестиция тарту және қаржылық есеп жүргізу бойынша жан-жақты көмек көрсету басталып кетті, - дейді орталық директоры Бүркіт Қарлыбай.
Бұдан бөлек, оқушылар мен студенттер түрлі платформалар арқылы бағдарламалау курстарынан тегін өтеді.
Біздің басты міндетіміз – ІТ саласына қызығушылық танытқандарға тең мүмкіндік беру. Стартап жобалары бар адамдар осы жерде бәрін жүзеге асыра алады. Қазір 10-ға жуық оқушыға бағдарламалау тілін үйретіп жатырмыз. Одан бөлек, бұл жерде түрлі тақырыпта лекциялар мен хакатондар ұйымдастырылады, - деді «Ulytau Hub» орталығының директоры Бүркіт Қарлыбай.
