Жетісуда балабақша тәрбиешісінің балаларды шапалақпен ұрып, қылғындырғаны камераға түсіп қалған, деп хабарлайды BAQ.KZ.
Балаларына қорлық көрсеткенінін бейнежазбадан көрген кейбір ата-аналар оқиға орнында талып қалған, – деп жазды Ulysmedia.kz.
Оқиға Жетісу облысы, Жаркент қаласындағы балабақшалардың бірінде болған.
Әлеуметтік желіде тараған бейнежазбадан бір топ ата-ананы байқауға болады. Олар балабақшадағы бейнебақылау камерасының жазбасынан өз перзенттерін аяусыз ұрып-соққанын жүрегі езіле көріп отыр.
Тып-тыныш отырған баламды салып қалды, - дейді аналардың біреуі.
Бұл жайт полицияның назарына ілігіпті.
Аталған факті бойынша сотқа дейінгі тергеу басталды. Іс полиция департаментінің бақылауында, - деп хабарлады Жетісу облыстық полиция департаменті.
Ал ата-аналар баламызды бұл бақшада қалдырмаймыз деп отыр.
