Жетісу облысында ауа райының қолайсыздығына байланысты республикалық маңызы бар бірнеше жол жабылды, деп хабарлайды BAQ.KZ.
Бұл туралы облыстық төтенше жағдайлар депатраментінің баспасөз қызметі хабарлады.
26 қарашада сағат 14:30-дан бастап ауа райының нашарлауына байланысты «Үшарал-Достық» республикалық маңызы бар автожолында, республикалық маңызы бар «Алматы-Өскемен» автожолында, республикалық маңызы бар «Сарыөзек-Көктал» автожолында көліктің барлық түрлері үшін қозғалыс жабылды, – делінген хабарламада.
Ведомство өкілдері тұрғындардан аталған бағыттағы сапарлардан бас тартуды және 112 қызметінің SMS хабарламаларын назардан тыс қалдырмауды сұрады.
