Жетісу құтқарушылары 13 ақпанда түнгі уақытта Үшарал-Достык автожолында қар құрсауында тұрып қалған бір автокөлік тола адамдарды құтқарды, деп хабарлайды BAQ.KZ.
Оқиға орнына дереу шыққан құтқарушылар қар құрсауында кептеліп қалған 1 техника мен ондағы адамдарды шығарып алды. Медициналық көмек қажет болған жоқ. Азаматтар ең жақын елді мекенге жеткізілді, - деп жазылған ТЖМ хабарламасында.
Төтенше жағдайлар министрлігі қыс мезгілінде қауіпсіздік ережелерін сақтауды және дауылды ескертулер мен жолдардың жабылуы туралы SMS алған кезде алыс жолға шықпауды сұрайды.
