Эстрада әншісі Жазира Байырбекова ер адамдардың екінші әйел алуына қатысты ойын айтты, деп хабарлайды BAQ.KZ тілшісі.
Жазира Байырбекова Instagram-дағы парақшасында ер адамдардың тоқал алуына қатысты пікір білдірді.
Үшінші адам "всегда лишний" болады, - деді эстрада жұлдызы.
Жазира Байырбекова "Үйдің шаруасында ер адам әйелге көмектесуі керек пе" деген сауалға жауап берді.
Негізі қажет, бірақ біздің Жәкең көмектеспейді. Баяғыда біздің жігіттер сыртта жүрген - аң аулаған, соғысқа кеткен, ал әйел адамдар үйде бала бағып отырған. Ал қазір әйелдер де, еркектер де жұмыс істейді. Сондықтан үй жұмысында көмектескенде тұрған ештеңе жоқ деп ойлаймын. Ол өз адамы ғой, - деді әнші.
Сонымен қатар ол ер адамдардың әйелге қол көтеруіне қатысты айтып өтті.
Мықты ер адам әйел адамға күш көрсетпейді, - деп қысқа қайырды Байырбекова.
