Нұр-Сұлтан, BAQ.KZ. Жергілікті фермерлер өз өнімдерін жексенбі күні ұсынатын болады, деп хабарлады елорда әкімдігінің ресми сайты.
21 сәуірден бастап Нұр-Сұлтан қаласында ауыл шаруашылығы жәрмеңкелерінің маусымы басталады.«Елорда тұрғындары мен қонақтары азық-түлікті құны нарықтықтағыдан 10%-ға төмен бағамен сатып ала алады», - делінген қалалық Инвестициялар және кәсіпкерлікті дамыту басқармасының хабарламасында.
Жәрмеңке елордалық әкімдік ғимаратының алдындағы алаңында және халыққа қызмет көрсету орталығының іргелес аумағында (Сауран көшесі, 7) өтеді.
