Нұр-Сұлтан, BAQ.KZ. Қазақстан Республикасының Көші-қон заңнамасын бұзуды анықтау үшін Жамбыл облысының аумағында "Кашара" жедел профилактикалық іс-шарасы өткізілуде, деп жазады облыстық Полиция департаментіның баспасөз қызметі.
Оған Жамбыл облысының Полиция департаменті Көші-қон қызметі басқармасы қызметкерлерінің жеке құрамы қатысты.
Жамбыл облысының Байзақ ауданы Тегістік ауылында фазенданы тексеру барысында заңсыз көші-қонға қарсы күрес жөніндегі арнайы жеке рота қызметкерлері заңсыз еңбек қызметімен айналысатын Өзбекстан Республикасының төрт азаматын анықтады.
Қазіргі таңда шетелдік азаматтарға қатысты ҚР ӘҚБтК 517-бабы бойынша әкімшілік хаттама толтырылып, оларды ҚР шегінен шығарып жіберу мәселесі қарастырылуда.
