Нұр-Сұлтан, BAQ.KZ. Жексенбі, 24 қаңтарда таңертең қазақстандық аралас жекпе-жек шебері Жалғас Жұмағұлов (13-4) UFC-дегі өзінің екінші кездесуін өткізеді.
Ол Абу-Дабиде (БАӘ) өтетін UFC 257 туринрінде өнер көрсетеді. Оның қарсыласы швед спортшысы Амир Альбази (13-1). Жекпе-жек Нұр-Сұлтан уақытымен 06:00-ден кейін басталады. UFC кешті ресми сайтында тікелей эфирде көрсетеді.
Еске сала кетейік, бұл – Жалғас Жұмағұловтың UFC-дегі екінші айқасы. Алғашқы жекпе-жегінде ол Раулиан Пайвадан (20-3) жеңіліп қалған болатын.
Амир Альбазиға қатысты айтар болсақ, ол алдыңғы жекпе-жегінде канадалық Малкольм Гордонды (12-5) бірінші раундта жеңген еді. Бұл шведтің UFC-дегі дебюті болды.
