Алматы, BAQ.KZ. Алматы қаласы ТЖ департаменті жақын күндері тікұшақтардың оқу-жаттығуы өтетінін ескертті.
Бекітілген кестеге сәйкес, жақын күндері ҚР ТЖМ авиациялық бөлімшелерінің оқу-жаттығу ұшулары жоспарланған.
Оқу-жаттығудың мақсаты - жыл сайын жоспалы түрде биік көпқабатты ғимараттардағы өрт, табиғи өрттерді сөндіру үшін арнайы құралдарды, яғни су төгу құрылғылары мен импульсті өрт сөндіру қондырғыларын пайдалану. Сондай-ақ құрлықтағы құтқару бөлімшелерімен өзара әрекеттесу дағдылары бойынша ұшу құрамының практикалық дағдыларын машықтандыру жұмыстары жүргізіледі. Осыған байланысты, «Іле-Алатауы мемлекеттік ұлттық табиғи паркі» Медеу аймақтық бөлімшесі «Аюсай» шатқалы аймағында тікұшақтарды байқауға болады, - делінген хабарламада.
