Жағажай футболынан Қазақстан құрамасы EBSL-ді жеңіспен бастады

Нұр-Сұлтан, BAQ.KZ. Жағажай футболынан Қазақстан құрамасы EBSL жарысының промо-финалының бірінші кезеңіндегі алғашқы жеңісіне қол жеткізді, деп хабарлайды Olympic.kz. 

Біздің спортшылар Венгрия құрамасына қарсы ойында 9:4 есебімен жеңіске жетіп, алғашқы ұпайларын жинады.  Осылайша, Қазақстан үш ұпай жинады.  Бірінші ойынның нәтижесі бойынша Қазақстан құрамасы Венгрия спортшыларымен екінші орынға жайғасты. Ал топты Грекия құраамасы көшбастап тұрса, ұпайсыз қалған Грузия құрамасы ең соңғы орында.  Айта кетерлігі, промо-финалдан «А» дивизионына тек бір команда ғана жолдамаға ие болады.