Зеленский: Украина делегациясы Женевадағы келіссөздерге дайын

Владимир Зеленский Украина делегациясы Ресей-Украина қақтығысын реттеу бойынша келіссөздердің кезекті кезеңіне қатысу үшін Женеваға келгенін мәлімдеді, деп хабарлайды BAQ.KZ.

«Біздің делегация қазірдің өзінде Женевада, келіссөздерге дайындалуда», - деп жазды ол Telegram-арнасында.

Украина делегациясын Ұлттық қауіпсіздік және қорғаныс кеңесінің хатшысы Рүстем Умеров басқарады. Оның айтуынша, Киев келіссөздер аясында қауіпсіздік және гуманитарлық мәселелер бойынша мазмұнды кездесулер өткізуді, сондай-ақ тұрақты әрі лайықты бейбітшілікке қол жеткізуді көздеп отыр.

17-18 ақпанда Женевада өтетін үшінші раундқа АҚШ, Ресей және Украина делегациялары қатысады. Ресей тарапын Владимир Мединский басқарады.

Бұған дейін келіссөздер барысында энергетикалық бітімгершілік мәселесі талқыланатыны хабарланған болатын.