Украина президенті Владимир Зеленский екінші мерзімге сайлауға түсуге ниетті, деп хабарлайды BAQ.KZ тілшісі The Economist басылымына сілтеме жасап.
Елде президент сайлауы әскери жағдай тоқтатылғаннан кейін, шілде айында өтуі мүмкін. АҚШ бұл жағдайдың 20 сәуірге дейін аяқталуына үміттеніп отыр.
Журналистердің мәліметінше, Зеленскийдің бұл шешіміне наурыз айының басында АҚШ президенті Дональд Трамппен Ақ үйде болған келіспеушілік ықпал еткен. Басылымның дерегінше “өткен аптада” Владимир Зеленский командасымен жиналыс өткізіп, оқ атуды толық тоқтатқан соң дауыс беруді ұйымдастыруды тапсырған.
The Economist алдағы сайлаулардың болатынын білдіретін алғашқы белгі – Украина Жоғарғы Радасында әскери жағдайды ұзарту мәселесі бойынша дауыс беру екенін жазады. Бұл дауыс беру 5 мамырдан кешіктірілмей өтуге тиіс.
0
0
0
0
0
