Украина президенті Владимир Зеленский АҚШ-тың Украинадағы әскери қақтығысты 2025 жылы аяқтауға ұмтылып отырғанын мәлімдеді, деп хабарлайды BAQ.KZ тілшісі.
АҚШ президенті Дональд Трамп соғыстың белсенді фазасын 2025 жылы аяқтауға тырысады. Бұл – олардың мақсаты, – дейді Зеленский баспасөз мәслихатында.
Ақпан айының басында Зеленский 2025 жылы Украинадағы қақтығысты тоқтатуға барлық мүмкіндік бар екенін айтқан болатын.
Ол сондай-ақ, Дональд Трамптың бұл мәселені тезірек шешуге мүдделі екендігіне сенімді екенін жеткізді.
Өткен аптада Эр-Риядта Ресей мен АҚШ делегациялары арасында келіссөздер өтті. Алайда Киев бұл кездесуге шақырылмаған және оның қорытындыларын мойындаудан бас тартатынын алдын ала мәлімдеген болатын. Бұл мәлімдемелер Украинадағы жағдайдың әрі қарай қалай дамитынына қатысты түрлі пікірлер тудыруда. Зеленскийдің айтуынша, Киев соғысты тоқтатуға бағытталған кез келген халықаралық келіссөздерде өзінің мүдделерінің ескерілуін талап етеді.
