Заңсыз ауланған 300 келіден астам бекіре тұқымдас балық тәркіленді

Маңғыстау облысында заңсыз ауланған 300 келіден астам бекіре тұқымдас балық тәркіленді, деп хабарлайды Zakon.kz.

Маңғыстау облысы Полиция департаменті экстремизмге қарсы іс-қимыл басқармасының қызметкерлері Ақтау қаласының аумағында 26 ықшам ауданда Lexus маркалы автокөлігін тоқтатты. Автокөлікті тексеру барысында 76 дана бекіре тұқымдас балықтар табылды, олардың жалпы салмағы 302 келіні құрады, – делінген Маңғыстау облысы ПД баспасөз қызметі хабарламасында.

Бұл дерек бойынша ҚР ҚК 339-бабы бойынша қылмыстық іс қозғалды.

Ұсталған күдіктілер – 32 жастағы азамат пен 44 жастағы азаматша.