Нұр-Сұлтан, BAQ.KZ. Журналист Ысқақ Егембердиев Nur Media медиахолдингіне қарасты «Айқын-Литер» ЖШС директоры болып тағайындалды, деп хабарлайды aikyn.kz .
Ысқақ Егембердиев 1983 жылы дүниеге келген. Білімі – жоғары. Экономика магистрі, PhD докторанты.
2000-2004 жылдары әл-Фараби атындағы Қазақ ұлттық университетінің Журналистика факультетін бітірген. 2005-2007 жылдары әл-Фараби атындағы Қазақ ұлттық университетінің журналистика магистрі біліктілігі мен академиялық дәрежесін алды.
Еңбек жолын 2000 жылы Қарағанды облысы Жезқазған қаласының «Сарыарқа», «Мысты өңір» газеттерінде тілші ретінде бастады.
2003-2004 жылдар аралығында «Қазақ университеті», «Жас Алаш» газеттерінің тілшісі қызметтерін атқарды.
2005-2019 жылдары аралығында «Хабар» агенттігінде сценарист, редактор, шеф-редактор, продюсер, жоба жетекшісі ретінде еңбек етті.
2019 сәуірінен бастап «Атырау-Ақпарат» ЖШС директорының орынбасары, бас директоры қызметін атқарып келді.
