Бұл туралы Индустрия және инфрақұрылымдық даму вице-министрі Ілияс Оспанов мәлімдеді, деп жазады BAQ.KZ тілшісі.
Оның мәлімдеуінше, еліміздің өнеркәсібінде машина жасау - 6 пайыз. Бұл жалпы ішкі өнімнің 1,5 пайызы ғана.
Алда атқарылатын талай жұмыстар бар. Салыстыру үшін дамыған елдерді қарайтын болсақ, өнеркәсіп өнімінің орта есеппен үлесі 30 пайыздан 50 пайызға дейін болады. Қазақстан машина жасау саласында қазіргі таңда 3800 кәсіпорын жұмыс істейді. Ол кәсіпорындарда 116 мыңға жуық адам жұмыспен қамтылған. 2022 жылы өнім шығару көлемі 3,1 триллион теңгеге жетті. Бұл 2021 жылмен салыстырғанда 31 пайызға өсімді көрсетуде. Оның ішінде 2022 жылы құны 230 миллиард теңгеден асатын 250 инвестициялық жобаны іске қосу ықпал етті, - деді спикер орталық коммуникациялар қызметінде өтіп жатқан баспасөз мәслихатында.
