Алматыдағы №11 қалалық емхананың дәрігері Мөлдір Ибрагимова вирустық гепатиттің таралуы мен ауру белгілеріне тоқталып өтті, деп хабарлайды Алматыдағы BAQ.KZ тілшісі.
- Вирустық гепатит адамдарға қалай жұғады?
- А және Е гепатиті ластанған тамақ пен су арқылы таралады, бұл негізінен санитарлық жағдайы нашар аймақтарға қатысты. В, С және Д гепатиті қан арқылы, атап айтқанда зарарсыздандырылмаған құралдармен инъекция арқылы, қорғалмаған жыныстық қатынас арқылы, жеке гигиеналық заттарды ортақ пайдалану арқылы жұғады, сонымен қатар анадан балаға жұғады. Сол себептен әрбір адам гигиеналық талаптар мен нормаларды бұлжытпай орындау қажет.
- Ауру белгілері мен емделу жолдарына тоқтала кетсеңіз.
- Айта кетейік, В және С гепатиті қауіпті, өйткені олар бауырдың созылмалы зақымдалуына, циррозға және қатерлі ісікке алып келеді. В және С гепатитінің белгілеріне сарғаю, оң жақ қабырға астындағы ауырсыну, жүрек айнуы және тәбеттің төмендеуі жатады. Бастапқыда ауру симптоматикалық болуы мүмкін, әсіресе балаларда. Емдеу гепатит түріне байланысты А және Е гепатиті әдетте өздігінен өтеді, ал В және С гепатиті вирусқа қарсы терапияны және тұрақты бақылауды қажет етеді. Алдын алудың негізгі әдістерінің бірі - вакцинация, сонымен қатар гигиена, қауіпсіз медициналық процедуралар және қорғалған жыныстық қатынас болып табылады.
- В гепатитіне қарсы егу перзентханада жүргізіледі. Бұл қаншалықты қауіпсіз?
- Вакцинация және тұрақты тексерулер инфекция қаупін азайтуға және денсаулықты сақтауға көмектесетінін есте ұстаған жөн. В гепатитіне қарсы егу перзентханада туғаннан кейінгі алғашқы күндері жүргізіледі. В гепатитіне қарсы қайталама егулер нәрестелерге туғаннан бастап 4 күнге дейін екпе егеді. Екінші рет 2 айлығында, үшінші рет төрт айлығында салынады. А гепатитіне қарсы екпе 2 және 2,5 жастағы балаларға да жүргізіледі.
- Елімізде вирусты гепатитпен сырқаттанғандардың көрсеткішіне тоқтала кетсеңіз.
- Соңғы бір жылда елімізде вирусты гепатитпен сырқаттану 4 есе өсті. 2023 жылғы қаңтар–желтоқсанда бұл көрсеткіш 100 мың халыққа шаққанда 10,2 жағдайдан асты. Бір жыл бұрын жағдай әлдеқайда жақсы болған - 100 мың адамға 2,5 жағдай ғана тіркелген. Вирустың кейбір түрлерін жұқтырған адамдар санының маусымдық өсуі әдетте жазда және күзде болады. Аурудың ең жоғары деңгейі наурыз айында тіркеледі. СЭСМҒТО мәліметінше, вирустың қосалқы түрлерінің динамикасы әртүрлі болды. Жедел вирусты гепатит А ауруы 6,8 есе, созылмалы В және С вирусты гепатиттерімен сырқаттану 4,1% өсті. Д гепатиті вирусын жұқтырудың оқшауланған жағдайлары анықталды, Е гепатитін жұқтыру жағдайлары мүлдем тіркелмеді. Былтыр сырқаттанудың жоғары көрсеткіші республика бойынша емес, тек жекелеген өңірлерде ғана байқалды.
-Әңгімеңізге рахмет!
