Үржар ауданында амбулаторлық диализ орталығы ашылды

Үржар аудандық көпсалалы аудандық орталық ауруханасының ғимаратында амбулаторлы диализ орталығы ашылды, деп хабарлайды BAQ.KZ Абай облысының әкімдігіне сілтеме жасап.

Орталық созылмалы бүйрек жеткіліксіздігінен зардап шегетін науқастарды емдеуге маманданған. Амбулаторлық диализ орталығында бүйрек алмастыру терапиясын қамтамасыз ету үшін екі диализ аппараты орнатылған.

Жыл сайын бүйрек алмастыру терапиясын қажет ететін науқастардың саны айтарлықтай артып келеді. Сол себептен ішінара бүйрек алмастыру терапиясы үшін емдеудің жоғары сапасын қамтамасыз ету қажет.

Орталықта орналасқан екі аппараттың көмегімен күніне 20 адамға дейін ем қабылдай алады.