ҰҚШҰ-ға мүше елдерде кешенді оқу-жаттығулар өткізіледі

1 Сәуір 2023, 15:23
828
Бөлісу:
ҰҚШҰ-ға мүше елдерде кешенді оқу-жаттығулар өткізіледі
Фото: odkb-csto.org

Ұжымдық қауіпсіздік туралы шарт ұйымының Біріккен штабында 2023 жылы Ұйым әскерлерінің (Ұжымдық күштердің) бірлескен оқу-жаттығуларын ұйымдастыру және өткізу бойынша алғашқы келіссөздер өтті, деп хабарлайды BAQ. KZ. Біріккен штабтың баспасөз қызметіне сілтеме жасап.

28-30 наурызда өткен келіссөздерге Армения, Беларусь, Қазақстан, Қырғызстан, Тәжікстанның мүдделі министрліктері мен ведомстволарының, сондай-ақ ҰҚШҰ Біріккен штабы мен Хатшылығының өкілдері қатысты.

Мәлім болғанындай, биыл Ұйым әскерлерінің (Ұжымдық күштердің) кешенді оқу-жаттығулары бірлескен жедел-стратегиялық «Жауынгерлік бауырластық» үлгісінде өткізілмек. Бұл – Ұйым форматындағы бірлескен дайындықтың жоғарғы үлгісі.

ҰҚШҰ жауапкершілігі аймағының түрлі өңірлерінде ұжымдық қауіпсіздік жүйесінің барлық элементтері қамтылады.
«Жауынгерлік бауырластық-2023» кешенді жоспары аясындағы бірлескен оқу-жаттығуларда ҰҚШҰ Дағдарыстық әрекет ету орталығы мен Ұйымға мүше елдердегі ұлттық органдар басқару пунктілері техникалық құралдарының мүмкіндіктері пайдаланылмақ.

Беларусь аумағында Ұйым әскерлерінің (Ұжымдық күштердің) түрлі компоненттерінің дайындығын біріктіретін бірлескен және арнаулы оқу-жаттығулар жоспарланған. Сонымен қатар, Беларусьте алғаш рет радиациялық, химиялық және билогиялық қорғанысты бірлесе қалыптастыру мен медициналық қамтамасыз етуге бағытталған «Барьер-2023» арнаулы оқу-жаттығуы өтеді.

ҰҚШҰ жедел әрекет ету ұжымдық күштерінің арнаулы бағыттағы күштерді қалыптастыру құрамына енгізілген ТЖМ құрылымдарымен «Скала-2023» оқу-жаттығуын өткізу де жоспарда.

«Жауынгерлік бауырластық-2023» бірлескен жедел-стратегиялық оқу-жаттығуларының соңғы кезеңінде ұжымдық қауіпсіздіктің ортаазиялық өңірінде ҰҚШҰ бітімгерлік күштерінің «Берік бауырластық-2023» оқу-жаттығуын өткізу көзделіп отыр. Бұл іс-шара Қырғызстан аумағында өткізілмек. Оның аясында бейбітшілік пен келісімді сақтау мақсатында ҰҚШҰ ұжымдық қауіпсіздік жүйесінің күштері мен құралдарын қолдана отырып, бітімгершілік операциясы барысында дағдарыс аймағындағы қақтығыстардан кейінгі реттеу міндеттері пысықталады.

Жедел және жауынгерлік дайындық іс-шараларын өткізу кезінде, ҰҚШҰ ұжымдық қауіпсіздік жүйесінің күштері мен құралдарын дамытудың өзекті мәселелерін зерттеу мақсатында қорғаныс ведомстволары, базалық оқу-әдістемелік және ғылыми-зерттеу ұйымдарының өкілдерін біріккен оқу-жаттығуларға тарту тәжірибесі жалғасады.
 

Өзгелердің жаңалығы