Ұлттық банк теңгенің неге әлсірегенін айттты

Ұлттық банк төрағасының орынбасары Данияр Вагапов теңгенің әлсіреуі неге байланысты екенін түсіндірді, - деп хабарлайды BAQ.KZ тілшісі.

Жыл басынан бері теңге бағамы бір АҚШ доллары үшін 469,64 теңгеге дейін 1,5%-ке әлсіреді. Қазан айында 1,1% болды. Теңгенің әлсіреуі бірқатар сыртқы және ішкі факторға байланысты, – деді ол.

Оның сөзінше, оның бірінші себебі – доллардың жаһандық нығаюы.

АҚШ-тың Федералды резервтік жүйесінің қатаң ақша-кредит саясаты әсер етіп отыр. Екіншіден, импорттаушылар тарапынан маусымдық сұраныстың артуы. Оған жобаларды іске асыру және бюджет қаражатын игеру циклінің жандануы мен басқа да факторлар ықпал етуде, – деді Ұлттық банк басшының орынбасары.