Ұлттық ұланның елордалық жедел құрамасының әскери қызметшілері тұрғындарға жоғалған заттарды табуға көмектесті, деп хабарлайды BAQ.KZ.
21 қазан күні сағат 20.50 шамасында Алматы ауданында қоғамдық тәртіпті сақтау қызметін атқару кезінде әскери жасақ бастығы қатардағы Нұрсұлтан Бадай, патрульші сарбаздар Уәлихан Құғынтаев пен Еркебұлан Яхып жол бойынан «Iphone 10» маркалы телефонын тауып алады.
Көп ұзамай ұландықтар телефон иесін анықтап, кездесу орнын белгілеп, табылған телефонның нақты соған тиесілі екеніне көз жеткізген соң, өзіне қайтарған.
Осы күні сағат 22.10 шамасында Астана қаласының ыныштығын күзетіп жүрген ұландықтар Ж. Жабаев көшесінде жерден бірдеңе іздеп жүрген әйелді байқайды. Белгілі болғандай, азаматша үйінің кілтін жоғалтып, кіре алмай жүр екен. Жедел құраманың тағы бір әскери жасағының бастығы қатардағы жауынгер Нұрдәулет Абдулла, қарамағындағы сарбаздар Нұрлыхан Отарбаев және Дулат Ыңғайбекпен жедел іздеу әрекетін ұйымдастырып, кілттер шоғырын тауып береді.
Азаматша Ұлттық ұлан сарбаздарына шұғыл көмектері мен азаматтық жауапкершіліктері үшін зор алғыс білдірді.
