Петропавлда ҚР ІІМ Ұлттық ұланының 6637 әскери бөлімінің 50 әскери қызметшісі облыстық қан орталығында өткен қан тапсыру акциясына қатысты, деп хабарлайды BAQ.KZ.
Акция өңірдегі медициналық мекемелердің мұқтаж пациенттеріне көмек көрсету аясында ұйымдастырылды.
Донорлардың арасында мерзімді қызметтегі сарбаздар да болды. Қатардағы жауынгер Владислав Ярулиннің айтуынша, мұндай іс-шараларға қатысу – әскери қызметшінің парызы ғана емес, өмірді құтқаруға бағытталған маңызды шараға қосқан үлесі.
Біз әрдайым көмекке мұқтаж жандарға ерікті түрде келуге дайынбыз. Қан тапсыру – қиын жағдайға тап болған адамдарға көмектесетін нақты мүмкіндік, - дейді аға фельдшер Ярулин.
Мерзімді қызметтегі сарбаздың бірі қатардағы Виталий Чернышев қан тапсыру – күрделі емес, алайда өте сауапты іс деп санайды.
Алғаш рет қан тапсырып тұрғандықтан, мен үшін бұл өте маңызды. Осылайша біреудің өмірін сақтап қалатыныңды сезіну айналаңа көмектесуге одан әрі шабыттандырады, - дейді Виталий.
Облыстық қан орталығының басшылығы әскери қызметшілерге бастамалары мен немқұрайлылығы үшін алғысын білдіріп, олардың қосқан үлесі қан қорын толықтырып, пациенттердің өмірін құтқаруға көмектесетінін атап өтті.
Біз 6637 әскери бөлімінің қолбасшылығына және игілікке бей-жай қарамаған барлық әскери қызметшілерге донорлық қозғалысқа белсене қатысқаны үшін шынайы ризашылығымызды білдіреміз. Сіздердің көмектеріңіздің бағасы биік, алдағы уақытта да ынтымақтастығымыз артады деп үміттенеміз, - делінген қан орталығының әлеуметтік желілердегі ресми парақшасында.
