Британдық басылымдар жазуынша, АҚШ-тың қатысуымен жүргізіліп жатқан атысты тоқтату жөніндегі келіссөздер өте баяу жүріп жатыр, деп хабарлайды BAQ.KZ.
Әзірге нақты нәтиже жоқ.
Ресей Қара теңізде атысты тоқтату үшін жаңа шарттар ұсынған, алайда бұл талаптар Украина мен Еуропа елдері үшін қолайсыз болып отыр. Сонымен қатар, Ресей бұрынғыдай Украинаның бейтарап мәртебесі, қару-жарақтан бас тартуы және жаулап алынған территориялардан бас тарту сияқты максималистік шарттарынан бас тартпай отыр.
Ресей энергетикалық инфрақұрылымға шабуыл жасамау туралы мораторийді сақтады. Киев бұл ережені үнемі бұзып отыр, – деді Дмитрий Песков .
Москва мен Киев энергетикалық нысандарға шабуыл жасамау жөніндегі келісімді бұзды деп бір-бірін айыптап отыр. Бұл өзара сенімсіздік бітімге келу процесін одан әрі қиындатып жатыр.
Украина мен Ресей арасындағы атысты тоқтату жөніндегі келіссөздер тоқырауға ұшырады. Екі жақтың талаптары мен өзара айыптаулары жағдайды күрделендіріп отыр.
1
0
0
0
0
